चंद्रपूर जिल्ह्यात 2 मृत्यूसह 155 नवे बाधित

0
302
Advertisements

चंद्रपूर, दि. 26 नोव्हेंबर: जिल्ह्यात मागील 24 तासात 252 जणांनी कोरोनावर मात केल्याने त्यांना रुग्णालयातून सुटी देण्यात आली आहे. तर 155 कोरोनाबाधीत रुग्णांची नव्याने भर पडली असून दोन कोरोनाबाधीताचा मृत्यू झाला आहे.
जिल्ह्यात आतापर्यंत एकूण बाधितांची संख्या 19 हजार 358 वर पोहोचली आहे. तसेच सुरुवाती पासून आतापर्यंत बरे झालेल्यांची संख्या 17 हजार 373 झाली आहे. सध्या एक हजार 696 बाधितांवर उपचार सुरू आहे. जिल्ह्यात आतापर्यंत एक लाख 46 हजार 440 नमुन्यांची तपासणी करण्यात आली असून त्यापैकी एक लाख 22 हजार 859 नमुने निगेटीव्ह आले आहेत.
आज मृत झालेल्या बाधितामध्ये वरोरा तालुक्यातील सोयता येथील 72 वर्षीय पुरूष व घोट चार्मोशी जिल्हा गडचिरोली येथील 65 वर्षीय महिलेचा समावेश आहे. जिल्ह्यात आतापर्यंत 289 बाधितांचे मृत्यू झाले असून यापैकी चंद्रपूर जिल्ह्यातील 268, तेलंगाणा एक, बुलडाणा एक, गडचिरोली 12, यवतमाळ पाच, भंडारा एक आणि वर्धा येथील एका बाधिताचा समावेश आहे.
नागरिकांनी बाहेर निघतांना नियमितपणे मास्कचा वापर करावा. वेळोवेळी हात स्वच्छ करणे तसेच सुरक्षित अंतराचे पालन करावे. कोरोना पासून सुरक्षित राहण्यासाठी प्रशासनाने घालून दिलेल्या नियमांचे पालन करावे, असे आवाहन जिल्हाधिकारी अजय गुल्हाने यांनी केले आहे.

LEAVE A REPLY

Please enter your comment!
Please enter your name here