तो होंडा चोरणारा हिरो भद्रावती पोलिसांना गवसला

0
64
Advertisements

भद्रावती .. अब्बास अजानी

रस्त्याने शौचास बसलेल्या इसमाची हिरोहोंडा दुचाकी पळवून नेणाऱ्या चोरट्यास भद्रावती पोलीस स्टेशनच्या गुन्हे शोध पथकाने हुडकून चोरट्यास बेड्या ठोकण्याची घटना नुकतीच दि.30 ऑगस्ट रोजी भद्रावती शहरात घडली.
पोलीस सूत्रांची दिलेली माहिती नुसार भद्रावती तालुक्यातील कोची (घोनाड) येथील निलेश सुरेश क्षीरसागर (25) हा युवक दि.29 ऑगस्ट रोजी हिरो होंडा स्प्लेंडर प्लस दुचाकी एम.एच.34 ए.एच.1794 ने भद्रावती चंदनखेडा रस्त्यावरील मासळ (विसापूर) येथे आपल्या चुलत भावाला भेटायला गेला होता. भेटून परत येत असतांना रस्त्यात बरांज (तांडा) गावाजवळ आपली दुचाकी उभी करून तो शौचास गेला या संधीचा फायदा घेवून अज्ञान चोरट्यांनी सदर दुचाकी घेऊन पोबारा केला. सर्वत्र शोध घेतला असता दुचाकी कुठेही आढळून आली नाही. याबाबत निलेश क्षीरसागर भद्रावती पोलिसात तक्रार दाखल केली. या तक्रारीच्या आधारे गुन्हे शोध पथकाचे प्रमुख उपनिरीक्षक अमोल तुळजेवार यांनी तपास केला असता.शुभम संजय चक्रवर्ती (25) रा. हनुमान नगर भद्रावती या चोरट्याने सदर दुचाकी चोरून नेल्याची माहिती हाती लागली. त्यानुसार पोलीस पथक ‘त्या’ चोरट्यापर्यंत पोहचले व त्याच्याकडून 25 हजार रुपये किमतीची हिरो होंडा स्प्लेंडर प्लस जप्त केली. त्याला अटक करून त्याच्या विरुद्ध भा.द.वि.379 कलमान्वये गुन्हा दाखल केला. ही कारवाई ठणेदार सुनिलसिंग पवार यांच्या मार्गदर्शनाखाली पोलीस उपनिरीक्षक अमोल तुळजेवार पोलीस शिपाई सचिन गुरनुले, हेमराज प्रधान, केशव चिटगिरे ,निकेश ढगे यांनी केली.

Advertisements

LEAVE A REPLY

Please enter your comment!
Please enter your name here