चंद्रपूर जिल्ह्यात दारूला नो एंट्री म्हणजे नो एंट्रीच, चिमूर पोलिसांची लॉकडाउनमध्ये मोठी कारवाई

0
64
Advertisements

चिमूर – कोरोना विषाणू संक्रमनाच्या भीतीने देशातील व्यापार, बाजारपेठ ठप्प झाली असतांना लॉकडाउनच्या चौथ्या टप्प्यात दारू दुकाने सुरू करण्यात आले, तरीही सोशल डिस्टनसिंग चा फज्जा दारू खरेदी करताना होत आहे.

चंद्रपूर जिल्ह्यात मात्र 2015 पासून दारूबंदी करण्यात आली आहे, दारूबंदी नंतरसुद्धा जिल्ह्यात अवैध दारू मोठ्या प्रमाणात आली, पोलीस कारवाई करतात मात्र दारू ही जिल्ह्यात दाखल होते.

आज 5 वर्षांनी म्हणजे 2020 मध्ये जगात कोरोना विषाणूने हाहाकार माजविला आहे, चंद्रपूर जिल्ह्यात पोलीस बंदोबस्त वाढविल्याने अवैध दारूची तस्करी पूर्णपणे बंद झाली आहे.

अवैध दारू बंद झाल्याने तळीरामानी आपला मोर्चा आता महूआ दारूकडे वळविला, काही प्रमाणात छुप्या मार्गाने दारू दाखल होत असली तरी प्रशासन कारवाई करीत आहे.

सध्या जिल्ह्यातील चिमूर तालुक्यात अवैध दारू तस्करीची मोठी कारवाई करण्यास पोलिसांना यश मिळाले. 23 मे च्या रात्री चिमूर पोलीस पेट्रोलिंग करीत असताना गुप्त माहिती मिळाली की चिमूर मार्गे एका इनोव्हा गाडीत दारूचा साठा येत आहे, चिमूर पोलिसांनी खबरदारी घेत त्या वाहनाला शिताफीने पकडले असता इनोव्हा गाडी क्रमांक mh15ep 0252 मध्ये तब्बल 20 पेट्या विदेशी दारूच्या 960 निप जप्त केल्या, दारूसाहित एकूण 7 लाखांचा मुद्देमाल चिमूर पोलिसांनी ताब्यात घेत, एका आरोपीला अटक करण्यात आली.

सदरची कारवाई जिल्हा पोलीस अधीक्षक डॉ महेश्वर रेड्डी, अप्पर पोलीस अधीक्षक प्रशांत खैरे, उपविभागीय पोलीस अधिकारी मारोती इंगवले यांच्या मार्गदर्शनाखाली चिमूर पोलीस स्टेशनचे ठाणेदार स्वप्नील धुळे, पोलीस उपनिरीक्षक किरण मेश्राम, प्रवीण तिराणकर, विलास निमगडे, विलास सोनूले, किशोर बोढे, कैलास आलम, विनायक सरकुंडे, सचिन गजभिये, सतीश झिलपे, भरत गोडवे, कैलास वनकर यांनी यशस्वीपणे पार पाडली.

ठाणेदार स्वप्नील धुळे यांच्या सतर्कतेमुळे चिमूर तालुक्यातील मोठ्या कारवाया करण्यात आल्या आहे.

LEAVE A REPLY

Please enter your comment!
Please enter your name here